Novena to Mary, Queen of the Apostles (Latin)

Antiphon: Ave, Mater Ecclesiae, Magistra ac Apostolorum Regina, alleluia, alleluia.

1. Inimicitias ponam inter te et mulierem, et semen tuum et semen illius; ipsa conteret caput tuum (Gen 3:15).
Antiphon.

2. Spiritus Sanctus superveniet in te, et virtus Altissimi obumbrabit tibi. Ideoque et quod nascetur ex te sanctum vocabitur Filius Dei (Lk 1:35).
Antiphon.

3. Et peperit filium suum primogenitum et pannis eum involvit et reclinavit eum in praesepio (Lk 2:7).
Antiphon.

4. Ecce positus est hic in ruinam et in resurrectionem multorum in Israel, et in signum cui contradicetur; et tuam ipsius animam pertransibit gladius (Lk 2:34–35).
Antiphon.

5. Cum vidisset ergo Jesus matrem et discipulum stantem quem diligebat, dicit matri suae: Mulier, ecce filius tuus; deinde dicit discipulo: Ecce mater tua (Jn 19:26–27).
Antiphon.

6. Erant perseverantes unanimiter in oratione cum mulieribus et Maria matre Jesu et fratribus eius (Acts 1:14).
Antiphon.

7. Immaculata Deipara semper Virgo Maria expleto terrestris vitae cursu, fuit corpore et anima ad caelestem gloriam assumpta (Const. Munificentissimus Deus).
Antiphon.

Reading and Reflection: Acts 1:12–14; 2:1–4.

Hymn

Apostolorum contio,
Ut Christus imperaverat,
Exspectat orans munera
Septena Sancti Spiritus.

Suspirat haec ardentius
Maria, quae novissima
Dum nominatur, omnium
Fit prima, donis auctior.

Donis supernis Flaminis
Tanta repletur copia,
Ut datur illi ceteros
Ditare plenitudine.

Adi, sacerdos, jugiter
Plenam Mariam gratia,
Et gratiarum rivulos,
Deposce vasti fluminis.

Ut ipse vivas sanctius,
Dabit Maria largiter,
Manus amicas porriget,
Ut des juvamen fratribus.

Jesu, tibi sit gloria,
Qui natus es de Virgine,
Cum Patre et almo Spiritu,
In sempiterna saecula. Amen.

For other hymns see pp. 362–380.

℣. Regina Apostolorum, alleluja.
℟. Ora pro nobis Deum, alleluja.

Antiphon for the Magnificat:
Suscipe nos, Mater, Magistra, Regina nostra; roga Filium tuum Dominum messis, ut mittat operarios in messem suam. Alleluja.

Magnificat, p. 300.

Antiphon: Suscipe nos . . .

Oremus.
Deus, qui apostolis tuis, cum Maria Matre Jesu orantibus. Sanctum dedisti Spiritum: da nobis ut, ipsa intercedente, majestati tuae fideliter servire, et nominis tui gloriam verbo et exemplo diffundere valeamus. Per Christum Dominum nostrum. Amen.